Senda inn efni
Fram kemur í kínverskum fjölmiðlum að þetta fjalli hafi haft á landslagshönnum í kvikmyndinni Avatar. Reuters
Nafni á kínversku fjalli breytt í Avatar
Bloggað um fréttina
-
Haugurinn bloggarNafni á Tortólskri strönd breytt í Sigurjón
Fréttir herma að búið sé að breyta nafni á kínversku fjalli og nefna það í höfuðið á kvikmyndinni Avatar. Fullyrt er í kínverskum fjölmiðlum að fjallið hafi haft áhrif á landslagshönnun í myndinni.
Syðri Skýjasúlan í Zhangjiajie, sem er héraðinu Hunan, mun framvegis heita Avatar Halelúja fjall.
Embættismenn í héraðinu segja að ljósmyndir af fjallinu hafi verið notaðar við hönnun ævintýraheimsins Pandoru, sem leikur stórt hlutverk í myndinni.
Bardagaatriði úr kvikmyndinni Avatar sem hefur notið gríðarlegra vinsælda um allan heim. Reuters
Avatar er þegar orðin vinsælasta mynd frá upphafi í Kína. Hún hefur þénað yfir 10 milljarða kr. í miðasölunni þar í landi.
Kínverskt dagblað segir að nafni fjallsins hafi verið breytt með formlegum hætti í gær. Það segir að ljósmyndari frá Hollywood hafi heimsótt svæðið árið 2008 og tekið myndir af fjallinu.
Til baka