Senda inn efni
Vísundar Reuters
Gert að greiða vísunda í sekt fyrir hjúskaparbrot
Bloggað um fréttina
-
Sigríður SigurðardóttirFerfættur gjaldmiðill.
-
Birna DúadóttirSkondið
Dómstóll í Malasíu hefur dæmt karlmann og konu til þess að greiða fjóra vísunda og svín í bætur eftir að þau voru fundin sek um hjúskaparbrot, að því er fram kemur í blaðinu Star. Fréttavefur BBC greinir frá þessu.
Sarong sem notaður er á baðströndum í Asíu.
Parið var dæmt í héraðsdómi í Penampang á eyjunni Borneu en eiginkona mannsins lagði fram kæru á hendur honum og konunni á síðasta ári.
Lengri gerðin af sarong
Hafði hún komið að eiginmanninum þar sem hann var á stuttbuxum á öðru heimili þeirra. Ekki nóg með það heldur hafi hann verið þar með konu sem var klædd í sarong (efnisvafningur sem er algengur til notkunar sem pils í Malasíu og Indónesíu). Hafnaði dómarinn þeirri skýringu „parsins" að þau væri bara góðir vinir.
Sagði dómarinn, William Sampil, að miklar líkur væru á því að þau ættu í ástarsambandi er hann kvað upp dóm yfir þeim á föstudag.
Var þeim gert að afhenda héraðsstjórninni búfénaðinn, en hann er metinn á rúmar 240 þúsund krónur, fyrir brot sitt. Jafnframt var þeim gert að greiða fésekt.
Til baka