Í lagi að senda „vafasöm" SMS

Senda frétt

Prenta frétt

Upplestur á frétt

Deila

Blogga um frétt

Bloggað um fréttina

Ragnar Örn Eiríksson
Feministar í Kína?

Kínversk stjórnvöld reyna nú að fullvissa ástfangin pör um að það varði ekki við lög að senda hvort öðru „vafasöm" SMS þótt nú standi yfir mikil herferð yfirvalda gegn klámi í netinu og farsímum.

Tveir háttsettir embættismenn útskýra nákvæmlega í blaðinu Beijing News í dag hvernig klámlöggjöfin virkar.

„Ef vinur tekur (klámfengin skilaboð) illa upp þá er hugsanlegt að brot hafi verið framið, en ef vininum þykja þau skemmtileg og báðir skiptast á slíkum boðum þá er að sjálfsögðu ekki víst að brot hafi verið framið," hefur blaðið eftir Hu Yunteng, sem hefur yfirumsjón með rannsóknardeild hæstaréttar Kína.

„Ef vinir eða félagar skiptast á klúru innihaldi eða eru með glens og grín hvor við annan í skilaboðum, þá mun þungi dómskerfisins ekki leggjast á dónaskap slíks fólks."

Dómsyfirvöld segja að þau beini spjótum sínum að glæpamönnum, sem beri ábyrgð á fjöldasendingum á klámi.

Samkvæmt kínverskum lögum getur lögregla sett hvern þann, sem dreifir kámfengnum eða móðgandi boðum í gæsluvarðhald í 10 daga.

Að sögn kínverskra fjölmiðla handtók lögregla nærri 5400 manns á síðasta ári í tengslum við herferð gegn klámi á netinu og lokaði þúsundum vefsíðna.

Fara til baka Til baka