Farþegaflugvélar saknað

Flugvél af sömu gerð og vélin sem um ræðir
Flugvél af sömu gerð og vélin sem um ræðir HO

Farþegaflugvélar Air France flugfélagsins með 231 innanborðs er saknað úti fyrir strönd Brasilíu en flugvélin var á flugi yfir Atlantshafi er fjarskiptasamband rofnaði og hún hvarf af ratsjám. 

Samkvæmt upplýsingum talsmanns Charles de Gaulle alþjóðaflugvallarins í París var vélin, sem er af gerðinni Airbus A330, á leið frá Rio de Janeiro til Parísar. Segir hann hugsanlegt að einungis sé um bilun í fjarskiptabúnaði að ræða en að slíkt sé mjög sjaldgæft. Þá hafi flugvélin ekki lent í París á tilsettum tíma. Málið valdi því miklum áhyggjum

Neyðarmóttaka hefur verið sett upp á Charles de Gaulle fyrir aðstandendur þeirra sem eru um borð í vélinni. Dominique de Bussereau, aðstoðarsamgönguráðherra Frakklands, var væntanlegur á flugvöllinn.

Flugvélin var með 216 farþega og 15 manna áhöfn innanborðs. Samband við vélina rofnaði klukkan 6 að íslenskum tíma en hún átti að lenda á Charles de Gaulle flugvelli klukkan 9:10.

mbl.is/Kristinn
mbl.is

Bloggað um fréttina

Fleira áhugavert
Fleira áhugavert