Segja lífrænt ekki hollara

Matvæli framleidd með lífrænum hætti eru ekki hollari en önnur …
Matvæli framleidd með lífrænum hætti eru ekki hollari en önnur matvæli, samkvæmt breskri rannsókn. Valdís Þórðardóttir

Matvæli framleidd á lífrænan hátt eru ekki heilnæmari en matvæli framleidd í svonefndum verksmiðjubúskap eða með tilbúnum áburði, samkvæmt breskri rannsókn. Lífrænt framleiddu matvælin reyndust ekki hafa meira næringargildi en þau sem framleidd voru á hefðbundinn hátt.

Það var breska matvælaeftirlitið Food Standards Agency sem pantaði rannsóknina. Sérfræðingar frá London School of Hygiene and Tropical Medicine rannsökuðu gögn sem náðu til hálfrar aldar tímabils, samkvæmt fréttavefnum Times Online.

Talsmenn lífrænnar framleiðslu hafa mótmælt rannsóknarniðurstöðunum og saka matvælaeftirlitið um að hafa ekki tekið tillit til nýrra vísbendinga og að eigna sér rannsóknir Evrópusambandsins í pólitískum tilgangi.

Skýrsla um samanburð á lífrænt framleiddum og hefðbundum matvælum

mbl.is

Bloggað um fréttina

Fleira áhugavert
Fleira áhugavert