Senda inn efni
Horft yfir Canary Wharf fjármálahverfið í Lundúnum Reuters
Forstjóri FSA segir af sér
Hector Sants, forstjóri fjármálaeftirlitsins í Bretlandi (FSA), hefur sagt starfi sínu lausu. Samkvæmt breskum fjölmiðlum skilaði Sants inn uppsögn sinni í gær, öllum að óvörum.
Í yfirlýsingu sinni sagði Sants að hann hygðist yfirgefa fjármálaeftirlitið í sumar, eins og hann hafði alltaf ætlað sér. Hann hefur sinnt starfi forstjóra í þrjú ár, en hann var áður hjá fjárfestingabankanum Credit Suisse.
Sants segir í yfirlýsingu sinni að hann sé afar stoltur yfir því hvernig breska fjármálaeftirlitið tókst á við gríðarlega erfiðar aðstæður á alþjóðlegum fjármálamörkuðum. „Jafnframt tel ég að FSA hafi rannsakað bresti í fjármálakerfinu af mikill vandvirki, dregið sinn lærdóm og hafið breytingar á starfseminni til hins betra," sagði Sants.
Til baka