Senda inn efni
George Papaconstantinou fjármálaráðherra Grikklands bíður erfitt viðfangsefni. YIORGOS KARAHALIS
Grikkland hefur ESB og þarf því ekki AGS
Bloggað um fréttina
-
Þórarinn Þ GíslasonALLT Á SUÐUPUNKTI Í GRIKKLAND (RUV, KL 06.00 ).…
Engin þörf er á því að Alþjóðagjaldeyrissjóðurinn grípi inn í til að aðstoða Grikkland út úr kreppunni, því Evrópa getur séð um málið, að sögn framkvæmdastjóra efnahagsmála innan ESB, Joaqin Almunia.
„Við erum að sjálfsögðu öll meðlimir í AGS en við getum og eigum að gera þetta sjálf," segir Almunia. „Ef við getum samræmt aðgerðir og sýnt pólitíska staðfestu, ef við notum þau verkfæri sem eru til staðar...við höfum meira en nóg af úrræðum til að gera það sem þarf."
AGS lagði í síðustu viku blessun sína yfir aðgerðaáætlun grísku ríkisstjórnarinnar. Samkvæmt þeim er m.a. tekið fyrir allar launahækkanir í opinbera geiranum, eldsneytisgjald verður hækkað og eftirlaunaaldurinn sömuleiðis. Ríkisstjórn Grikklands er undir miklum þrýstingi að ná niður þeim gríðarlegu skuldum sem eru við það að sliga þjóðarbúið, en ráðgert er að þær verði rúmar 290 milljarðar evra á þessu ári.
Almunia segir að Grikkir njóti „einróma stuðnings" meðal þjóða Evrópusambandsins. Hinsvegar varar hann við því að enginn fái „ókeypis hjálp" heldur þurfi grísk yfirvöld að sýna fram á að þau skuldbindi sig til að standa undir sinni ábyrgð.
Til baka