Að minnsta kosti 37 eru látnir eftir að tvær sprengjur sprungu í jarðlestakerfi Moskvu í Rússlandi í nótt. Fyrri sprengjan sprakk í miðborginni á Lubyanka stöðinni og létust 25 þar, samkvæmt upplýsingum frá lögreglu. Síðari sprengjan sprakk um klukkustund síðar á Park Kutury stöðinni og létust tólf þar.
Tíu slösuðust á fyrri stöðinni en tólf á þeirri síðari, samkvæmt frétt Tass fréttastofunnar.
Fyrri sprengjan sprakk klukkan 7:56 að staðartíma en 3:56 að íslenskum tíma og sú síðari fjörtíu mínútum síðar eða klukkan 8:38, 4:38 að íslenskum tíma, samkvæmt frétt BBC.
Enginn eldur braust út á Lubyanka lestarstöðinni, samkvæmt BBC. Höfuðstöðvar FSB, leyniþjónustu Rússlands, eru skammt frá stöðinni.