Heimatilbúin sprengja sprakk í dómshúsi í Santa Barbara-sýslu í Kaliforníuríki í dag.
Enginn slasaðist alvarlega en tveir hlutu minni háttar áverka. Einn situr nú í gæsluvarðhaldi grunaður um verknaðinn.
Í frétt Noozhawk segir að maður hafi verið inni í dómshúsinu þegar hann kastaði tösku inn í eitt herbergi í byggingunni og það sem var í töskunni sprakk.
Fjölmiðlar vestanhafs segja manninn hafa kastað sprengjunni í mótmælaskyni.
Starfsfólk sem starfar nærri dómshúsinu segir í samtali við AFP-fréttastofuna að það hafi ekki orðið vart við sprengjuna fyrr en lögreglan mætti á svæðið.