Fimmtíu og sjö ára gömul kona missti meðvitund á frumsýningu kvikmyndar Mels Gibson, Píslarsaga Jesú Krists, í Wichita í Kansas. Var hún flutt í skyndi á sjúkrahús og lést þar skömmu síðar. Að sögn dagblaðsins The Witchita Eagle var konan, Peggy Law Scott, að horfa á krossfestingu Krists þegar hún leið skyndilega út af. Ekki er enn vitað um dánarorsök frú Law Scott. Atriðið þegar Jesús er krossfestur mun vera blóðugt mjög.