Jón Steinar Gunnlaugsson, hæstaréttarlögmaður, hefur verið skipaður dómari við Hæstarétt Íslands frá og með 15. október, að tillögu Geirs H. Haarde, setts dómsmálaráðherra. Jón Steinar sagðist í samtali við Fréttavef Morgunblaðsins taka embættisveitingunni með auðmjúkum huga. „Ég er staðráðinn í því að reyna að standa undir þeim miklu kröfum sem felast í því að skipa mig í þetta embætti,“ sagði Jón Steinar.

Hann vildi ekki tjá sig um málið að öðru leyti.

Sjö sóttu um embættið sem losnar þegar Pétur Kr. Hafstein hættir störfum sem hæstaréttardómari nú um mánaðamótin.

Aðrir umsækjendur voru Allan Vagn Magnússon, héraðsdómari, Eggert Óskarsson, héraðsdómari, Eiríkur Tómasson, prófessor, Hjördís Björk Hákonardóttir, dómstjóri, Leó E. Löve, hæstaréttarlögmaður og Stefán Már Stefánsson, prófessor.

Jón Steinar Gunnlaugsson er fæddur árið 1947. Hann lauk lögfræðiprófi frá Háskóla Íslands 1973 og hefur starfað sem lögmaður frá árinu 1974. Hann hefur verið prófessor við lagadeild Háskólans í Reykjavík frá árinu 2003.

Tengdar fréttir

Deila um skipun dómara í Hæstarétt

Kallað eftir rökstuðningi setts dómsmálaráðherra

• Geir H. Haarde: Reynsla af lögmannsstörfum og málflutningi réði skipuninni
• Eiríkur Tómasson: „Aðferðinni við skipunina verður að breyta“
• Stefán Már: „Tjái mig ekki fyrr en ég fæ þetta formlega“
• Segi hvort hann hafi veitt umboðsmanni tiltal eður ei

» Fleiri tengdar fréttir

Jón Steinar skipaður hæstaréttardómari

Jón Steinar hefur áhuga á að kenna áfram

• Lögmaður Hjördísar Hákonardóttur: Jafnréttislög brotin að nýju
• Stefán Már Stefánsson: Vegið að undirstöðum Hæstaréttar
• Halldór: Jón Steinar er hæfur en hefði viljað Eirík í Hæstarétt
• Geir H. Haarde: Reynsla af lögmannsstörfum og málflutningi réði skipuninni

» Fleiri tengdar fréttir

• Blogga um frétt