Senda inn efni
Vilja lækka kosningaaldurinn í 16 ár
Bloggað um fréttina
-
G. Tómas Gunnarsson16 ára
-
TómasHaÍ leit að athygli
-
Óttarr GuðlaugssonEr verið að stækka markhópinn? Samræming er málið…
-
Hlynur HallssonLækkum kosningaaldurinn í 16 ár
-
Jón LárussonEr VG orðin uppiskroppa með fylgi?
-
Hjörtur J. GuðmundssonHvað vakir fyrir Vinstri-grænum?
-
Kristófer SigurðssonVilja færa ósjálfstæðum unglingum völd
Tveir þingmenn Vinstrihreyfingarinnar - græns framboðs, Hlynur Hallsson, og Kolbrún Halldórsdóttir, hafa lagt fram þingsályktunartillögu um að ríkisstjórninni verði falið að undirbúa að kosningaaldur verði 16 ár í stað 18 ára.
Í greinargerð með tillögunni segir, að með þessu yrði ábyrgð ungs fólks aukin og því gert kleift að taka þátt í mótun samfélagsins eins og það eigi réttmæta kröfu á. 16 ára einstaklingur í íslensku samfélagi sé orðinn virkur þátttakandi í þjóðfélaginu, hafi lokið grunnskóla og ætti að vera tilbúinn til að taka á sig á þá ábyrgð sem felist í því að kjósa sér fulltrúa á Alþingi og í sveitarstjórnir. Það ætti einnig að vera sjálfsagður réttur þessa unga fólks.
Þá segir, að í nágrannalöndum Íslendinga sé verið að kanna þessi mál og það væri óskandi að Íslendingar tækju frumkvæði í því að auka lýðræði og þátttöku ungs fólks í þjóðfélaginu. Nú þegar hafi 16 ára ungmenni kosningarétt í nokkrum löndum, eins og í Brasilíu, Níkaragúa og á Kúbu. Í Króatíu, Serbíu og Svartfjallalandi hafi 16 ára ungmenni á vinnumarkaði einnig kosningarétt.
Til baka