Leit að bandarísku Cessnu 330 flugvélinni sem brotlenti um 50 mílur vestur af Keflavík í gær hófst í birtingu í morgun er dönsk Challenger herþota fór á leitarsvæðið. Unnið er út frá nýrri leitaráætlun sem reiknuð hefur verið út frá reki og áætluðum brotlendingarstað.

Í fyrstu var áætlað að láta Fokkervél Landhelgisgæslunnar TF-SYN og dönsku herþotuna skiptast á að fara yfir leitarsvæðið en leitaráætlunin breyttist í morgun og er Fokkervélin að undirbúa sig undir flugtak.

Veður og sjólag er enn slæmt og ekki er reiknað með að senda þyrlur á leitarsvæðið að svo stöddu.

Varðskipið Ægir er á leitarsvæðinu og stýrir leit. Togararnir þrír sem aðstoðuðu við leitina í nótt eru farnir af svæðinu.

Enn hafa ekki borist upplýsingar um þjóðerni flugmannsins en vélin sem var í ferjuflugi frá Bandaríkjunum og kom frá Narsassuaq á Grænlandi er hún brotlenti um klukkan fjögur í gær.

Að sögn upplýsingafulltrúa Landhelgisgæslunnar er vitað að flugmaðurinn var með björgunarbát um borð og miðast leitin við það. Hins vegar hefur neyðarsendir flugvélarinnar ekki farið í gang en hann myndi gefa nána staðsetningu. 

Tengdar fréttir

FLugvél fór í sjóinn

Flugmaðurinn talinn af

• Leitað fram í myrkur
• Fínkemba leitarsvæðið
• Cessna 310 þekktar fyrir mjög flókið bensínkerfi
• Leit mun hefjast í birtingu

» Fleiri tengdar fréttir

• 1 blogg um fréttina

Bloggað um fréttina

• Jakob Falur Kristinsson: Leit