Fjögur taka prestvígslu

Prestsvígsla verður í Dómkirkjunni á sunnudaginn, allra heilagra messu,  klukkan 11. Þar mun Karl Sigurbjörnsson, biskup Íslands, vígja fjóra kandidata í guðfræði til prestsþjónustu í Þjóðkirkjunni.

Preststenin eru Árni Svanur Daníelsson, sem kallaður er til prestsþjónustu á Biskupsstofu að trúfræðslu á vefnum með sérstakar skyldur við Dómkirkjuna í Reykjavík, Elína Hrund Kristjánsdóttir sem sett hefur verið sóknarprestur í Reykhólaprestakalli í Vestfjarðarprófastsdæmi, Hjörtur Pálsson sem ráðinn hefur verið sérþjónustuprestur á Biskupsstofu til afleysingaþjónustu með sérstakar skyldur við Hóladómkirkju, og Steinunn Arnþrúður Björnsdóttir sem kölluð er til prestsþjónustu á Biskupsstofu að samkirkjumálum með sérstakar skyldur við Dómkirkjuna í Reykjavík.

• 2 blogg um fréttina

Bloggað um fréttina

• Jenný Anna Baldursdóttir: Sælir eru fokkings fátækir
• Torfi Kristján Stefánsson: Þrír nýjir prestar á biskupsstofu!