Senda inn efni
Háskólastúdentar tóku á síðnum tíma upp bækurnar fyrir utan Þjóðarbókhlöðuna til að mótmæla hve stutt bókhlaðan er opin. mbl.is/Kristinn
Mörg þúsund nemar án vinnu í sumar
Tæplega 13 þúsund háskólanemar hafa ekki enn fengið atvinnu í sumar, samkvæmt könnun sem Stúdentaráð Háskóla Íslands lét gera meðal nema. Af þessum 13 þúsund telja um 9.700 að þeir fái ekki vinnu í sumar.
Háskólaráð mun á morgun funda um möguleika á frekara námi við HÍ yfir sumarið vegna stöðunnar á atvinnumarkaði. Menntamálanefnd Alþingis fundar um málið í dag klukkan 10, að beiðni Einars K. Guðfinnssonar, þingmanns Sjálfstæðisflokksins. Fulltrúar háskólanna í landinu munu funda með nefndinni ásamt þeim sem eru forsvari fyrir hagsmunasamtök stúdenta í háskólum.
„Við höfum lengi talað um að alvarlegt ástand kunni skapast hjá háskólanemum. Okkur fannst ekki nægilega tekið tillit til okkar sjónarmiða og þess vegna var þessi könnun gerð og niðurstöður hennar sýna að staðan er mjög alvarleg. Við höfum talað fyrir því að það verði boðið upp á sumarannir í háskólum og vonandi verður það gert,“ segir Hildur Björnsdóttir, formaður Stúdentaráðs Háskóla Íslands.
Nánar í Morgunblaðinu. Smelltu hér til að gerast áskrifandi.
Til baka