Senda inn efni
Eiður Guðnason mbl.is
Eiður: Dómstóllinn ekki til
Bloggað um fréttina
-
Guðbjörn JónssonEiður eins og nátttröll í upplýstu…
-
FrjálshyggjufélagiðMisskilningur hjá Eiði
-
Ómar GeirssonHvað bull er þetta í manninum.
-
Axel Jóhann AxelssonDómstóllinn er víst til
-
Tóti SigfriðsOg við eigum náttúrulega að taka Eið trúanlegann
-
Jóhann HallgrímssonHvaða máli skiptir það?
Eiður Guðnason, fyrrverandi ráðherra Alþýðuflokksins og sendiherra, segir engin lagarök að baki grein Jóns Steinars Gunnlaugssonar, hæstaréttardómara, um Icesave málið í Morgunblaðinu í gær. Hún sé pólitískt innlegg í málið og sá dómstóll sem ætti að fjalla um deiluna sé ekki til.
Eiður skrifaði svohljóðandi pistil á heimasíðu sína í gærkvöldi:
„Virðulegur hæstaréttardómari segir í þessari Morgunblaðsgrein, að það sé skylda ráðamanna að láta dómstóla fjalla um Iceasave-málið. Nú geta menn haft ýmsar skoðanir á því hvort hæstaréttardómari eigi að blanda sér í deilumál af þessu tagi með þeim hætti sem Jón Steinar Gunnlaugsson gerir. Víst tel ég að það þætti ekki við hæfi í grannlöndum okkar.
Það er hinsvegar athyglisvert að hæstaréttardómarinn forðast eins og heitan eldinn að nefna hvaða dómstóll ætti að fjalla um deiluna. Sem er auðskilið. Sá dómstóll er nefnilega ekki til. Ætti það að vera Efta dómstóllinn? Bretar eiga enga aðkomu að honum. Ætti það að vera dómstóll ESB? Við eigum enga aðkomu að honum.
Eru allir búnir búnir að gleyma því þegar Bretar vildu leggja landhelgisdeiluna fyrir Alþjóðadómstólinn í Haag, en Íslendingar sögðu nei. Við viðurkenndum ekki að sá dómstóll hefði lögsögu í málinu.
Samþykki beggja þarf til að fara dómstólaleiðina. Þar þarf tvo til. Við bætist að við vorum fyrir löngu búin að skuldbinda okkur til að fara samningaleiðina í þessu máli. Fleiri og veigameiri rök liggja til þess að dómstólaleiðin svokallaða hefur aldrei verið fær í þessum máli.
Allt þetta veit Jón Steinar Gunnlaugsson. Það eru engin lagarök að baki grein hans í Morgunblaðinu. Hún er pólitískt innlegg í málið. Og líklegt gott innlegg að mati þeirra sjálfstæðismanna, sem nú hafa ákveðið að hlaupast frá ábyrgð sinni á málinu.“
Til baka