Senda inn efni
Mbl.is/Golli
Loftorka óskar gjaldþrotaskipta
Bloggað um fréttina
-
Páll Rúnar PálssonOg á meðan......
Loftorka Borgarnesi hefur lagt fram beiðni um gjaldþrotaskipti. Hjá fyrirtækinu starfa um 70 manns og hefur fyrirtækið verið stærsti vinnustaðurinn í sveitarfélaginu.
Fréttavefur Skessuhorns greinir frá því í dag að Loftorka Borgarnesi ehf. hafi í dag lagt inn beiðni um gjaldþrotaskipti til Héraðsdóms Vesturland. Skiptastjóri verður nú settur yfir búið.
„Það eru margar samverkandi ástæður sem valda því að þessi staða er komin upp. Gríðarlegur samdráttur á byggingamarkaði er stærsta ástæðan, þá hrun íslensku krónunnar sem hafði veruleg áhrif á skuldastöðu félagsins og í þriðja lagi eru rekstrarvandræði viðskiptavina sem ekki hafa getað staðið í skilum. Verkefnastaðan hjá félaginu hefur þannig hrunið algjörlega,” sagði Óli Jón Gunnarsson framkvæmdastjóri í samtali við Skessuhorn.
Hjá Loftorku starfa nú 70 starfsmenn en þegar best gekk, árið 2007, voru þeir tæplega þrjú hundruð.
„Á síðustu dögum lá það fyrir að viðskiptabanki okkar, sem er Íslandsbanki, sá ekki grundvöll til að halda áfram þessum rekstri í núverandi mynd. Því var starfsmönnum fyrirtækisins tilkynnt í dag að fyrirtækinu yrði lokað og sótt um gjaldþrot og menn munu ekki mæta til vinnu eftir helgi,” sagði Óli Jón.
Samkvæmt heimildum Skessuhorns er vilji fyrir því meðal heimamanna að allt verði gert til að freista þess að endurvekja rekstur Loftorku, enda hefur fyrirtækið verið stærsti rekstraraðilinn í Borgarfirði.
Sjá ítarlegar á vef Skessuhorns.
Til baka