Senda inn efni
Steingrímur J. Sigfússon og Jóhanna Sigurðardóttir kynna skattaáform stjórnarinnar. mbl.is/Golli
Fjármagnsskattur hækkar í 18%
Bloggað um fréttina
-
percy B. StefánssonTímabær þrepaskipting og fjármagnsskattur!! Hvað…
-
Einar B BragasonHvar endar þessi pest?
-
Sigurður Jón HreinssonD.O. Skattakóngur ?
-
Hólmfríður BjarnadóttirSkattatillögur sanngjarnar
-
Þórarinn Þ GíslasonSKATTAR ERU ERFIÐASTA SAMFÉLAGSMÁL SEM TIL ER , OG…
-
Páll BlöndalSvarti markaðurinn
-
Jón Baldur LorangeBetri skattatíð og skattstofn í haga
-
S. Lúther GestssonHvenar kemur 2007 aftur?
-
Sveinn hinn UngiGóðar skattatillögur ríkisstjórnarinnar
-
Arnar Geir KárasonEkkert jafnrétti í jafnaðarmönnum.
-
Hörður ÞórðarsonSteingrímur vill heldur taka lán hjá AGS en hjá…
-
Andri Geir ArinbjarnarsonHorfið til vinstri fortíðar í skattamálum
-
Sveinbjörn Ragnar ÁrnasonGóðar fréttir.
-
Valgeir Jens GuðmundssonEf þetta væri nú það eina sem hækkaði.
-
Axel Jóhann AxelssonGífurlegar hækkanir ofan á kjararýrnun
-
Jóhannes RagnarssonLoksins, loksins stórglæsilegar skattabreytingar í…
-
Jóhannes H. LaxdalReiknikúnstir?
-
Magnús Helgi BjörgvinssonÞetta er gott skref og hefði átt að koma fyrr
-
Jón Halldór GuðmundssonSkattalækkun!
-
Snjalli GeirBrot á stjórnarskránni - Fjármagnstekjuskattur af…
-
Óðinn ÞórissonHækka skatta eða breytt skattkerfi
-
Tryggvi ÞórarinssonStjórnina frá í hvelli, þetta eru þjófar.
-
Geir ÁgústssonFlækjustigið aukið
-
Magnús SigurðssonGjaldborgin efld með hærri fjármagnstekjuskatti.
-
Haraldur HaraldssonFjármagnsskattur hækkar í 18%/er ekki nóg að hafa…
-
Guðborg Eyjólfsdóttir46,04% skattur fyrir þá hæst launuðu
-
FrjálshyggjufélagiðSkattheimta er mannréttindabrot
Einstaklingar sem eru með undir 270 þúsund krónur í tekjur og hjón með undir 540 þúsund í samanlagðar tekjur munu á næsta ári greiða lægri tekjuskatt en þau gera nú samkvæmt tillögum ríkisstjórnarinnar. Fjármagnsskattur hækkar úr 15% í 18% með 100 þúsund króna frítekjumarki vaxtatekna á ári.
Tekið verður upp þriggja þrepa skattkerfi. Þeir sem eru með tekjur yfir 650 þúsund krónur greiða 33% tekjuskatt. Þeir sem eru með tekjur á bilinu 200-650 þúsund greiða 27% á tekjur og þeir sem eru með undir 200 þúsund krónur greiða 24,1% tekjuskatt. Ofan á þetta bætist síðan á útsvar sem sveitarfélögin leggja á. Meðalútsvar er nú 13,1%.
Í fjárlagafrumvarpinu er gert ráð fyrir því að tekjuskattur á einstaklinga skili ríkissjóði 143,5 milljörðum króna í tekjur á næsta ári samanborið við tekjur í ár að fjárhæð 106,7 milljarða króna. Á blaðamannafundi með Steingrími J. Sigfússyni, fjármálaráðherra og Jóhönnu Sigurðardóttur, forsætisráðherra, kom fram að við nánari útreikninga og athuganir hafi komið í ljós að ekki þótti raunhæft að stefna að svo mikilli tekjuaukningu.
Samanlagðar tekjur af almennum tekjuskatti einstaklinga og fjármagnstekjuskatti verða væntanlega um 117 milljarðar króna á næsta ári.
Kom fram á blaðamannafundinum að um ríflega fjórðungs minni hækkun skatta sé að ræða heldur en lagt var til í fjárlagafrumvarpinu. Í þeim tilfellum þar sem ein fyrirvinna fjölskyldu hefur yfir 650 þúsund krónur í mánaðartekjur er möguleiki á að sækja um að flytja hluta tekna í lægra skattþrep.
Skattleysismörk hækka úr um 113 þúsund krónum í tæpar 119 þúsund krónur miðað við þær álagningarprósentur sem nú eru til skoðunar.
Sem dæmi var nefnt á blaðamannafundinum að einstaklingur sem er með 180 þúsund krónur í brúttólaun á mánuði greiði nú 12,8% af tekjum sínum í skatta. Eftir breytinguna greiði viðkomandi 11,6% í skatt.
Hjón sem eru með 350 þúsund krónur hvort í mánaðalaun, alls 700 þúsund krónur í mánaðalaun greiði nú 26,2% af tekjum sínum í skatt en eftir breytingar greiði þau 26,9%, 0,7% meira en í núverandi kerfi.
Hjón sem eru með 700 þúsund krónur á mánuði hvort um sig, alls 1400 þúsund krónur á mánuði greiða nú 32,5% af tekjum sínum í skatta (tekjuskatt og útsvar). Eftir breytingarnar munu þau greiða 34,8% af tekjum sínum í skatta, 2,3% meira en nú.
Til baka