Eldur kom upp í hesthúsi í Víðidal á fimmta tímanum í nótt. Eldurinn kviknaði að sögn lögreglu í bíl sem lagt hafði verið við hlið hesthússins og barst frá honum í veggi hússins. Vel gekk að slökkva eldinn og unnt var að ná öllum hrossunum, 14 talsins, út úr húsinu ómeiddum.
Ekki er vitað hvað olli eldsupptökum í bílnum og ekki liggur heldur fyrir hversu miklar skemmdir urðu á hesthúsinu en rannsókn stendur enn yfir á staðnum.