Senda inn efni
Frá Vestmannaeyjum. mbl.is/GSH
35 milljóna króna sekt
Héraðsdómur Suðurlands hefur dæmt karlmann á sjötugsaldri í 8 mánaða skilorðsbundið fangelsi og 35 milljóna króna sekt fyrir að skila röngum virðisaukaskattskýrslum og skila ekki skattframtölum vegna reksturs veitingahúss í Vestmannaeyjum um þriggja ára skeið.
Maðurinn rak veitingahúsið Lundann þegar það var tekið til skattrannsóknar árið 2006 í framhaldi af ábendingu skattstjórans í Vestmannaeyjum. Náði rannsóknin til rekstraráranna 2003 til 2005.
Í dómi héraðsdóms segir, að refsing mannsins sé ákveðin með tilliti til þess þeirra fjárhæða, sem maðurinn stóð skattyfirvöldum ekki skil á og þess að brotin stóðu yfir í langan tíma. Á móti komi að langt sé liðið frá því að brotin voru framin og því var fangelsisrefsingin skilorðsbundin.
Til baka