Senda inn efni
Gosbjarminn sést vel frá Kirkjulækjarkoti. Myndin var tekin á tíma sem ýkir aðeins bjarmann. mynd/Katrín Möller Eiríksdóttir
Eldurinn sést úr Fljótshlíð
Bloggað um fréttina
-
Þórarinn Þ GíslasonGOS Í EYJAFJALLAJÖKLI ER HAFIÐ. ALMANNAVARNIR ERU…
-
Karl Gauti HjaltasonBjarminn sést úr Eyjum !
-
S i g u r ð u r SigurðarsonGosið sést á vefmyndavél.
-
Guðmundur JúlíussonEldur sést úr Fljótshlíð
-
Jón Valur JenssonEyjafjallajökull hinn fagri GÝS eftir 189 ára þögn…
-
Jón Ingvar JónssonBreiðfjörð kvað
„Ég sé eldrönd og mér sýnist hún vera austanmegin og að norðanverðu í jöklinum. Mér sýnist að mökkurinn komi hingað til okkar. Vindurinn blæs hingað. Fnykurinn er sterkur,“ sagði Þröstur Sigfússon í Kirkjulækjarkoti í Fljótslhlíð. Hann stóð úti á hlaði og horfði á eldgosið í Eyjafjallajökli.
Þröstur sagði að umferð bíla væri úr Fljótshlíðinni og vestur úr í átt að Hvolsvelli.
Guðrún Markúsdóttir í Langagerði í Hvolhreppi var komin inn í Fljótshlíð og kvaðst sjá bjarma yfir jöklinum.
Anna Runólfsdóttir í Fljótsdal, innsta bæ í Fljótshlíð, kvaðst hafa séð bjarma af jarðeldunum ofarlega og austarlega í Eyjafjallajökli, nálægt Fimmvörðuhálsi.
Þorkell Daníel Eiríksson, maður Önnu í Fljótsdal, sagði að þau væru komin að Múlakoti en þau eru á leið á Hvolsvöll til að tilkynna sig samkvæmt rýmingaráætlun.
Þorkell sagði að þrátt fyrir rýmingaráætlunina hafi þau mætt nokkrum bílum á leið inn eftir Fljótshlíðinni. Þar væru líklega menn sem ætluðu að taka ljósmyndir.
Um 500-600 manns búa á rýmingarsvæðinu undir Eyjafjallajökli í Rangárþingi eystra. Nýrri rýmingaráætlun var útbúin síðustu vikur og hefur verið íbúum á íbúafundum síðustu daga.
Þröstur Sigfússon í Kirkjulækjarkoti sagði að bæir þar stæðu svo hátt í Fljótshlíðinni að ekki væri gert ráð fyrir að þeir yrðu rýmdir vegna eldgossins. Hann sagði að ábúendur þar og í kring hafi byrjað á að fylla öll ílát af vatnii til að eiga ef til þess kæmi að öskufall spillti neysluvatni.
Til baka