Bjarni Benediktsson forsætisráðherra hitti António Guterres, framkvæmdastjóra Sameinuðu þjóðanna, í tengslum við leiðtogafundinn í New York-borg í Bandaríkjunum í dag, að því er fram kemur í tilkynningu frá talsmanni SÞ.
Talsmaður Guterres segir að á fundinum hafi þeir rætt um leiðtogafundinn, þar á meðal Sáttmála framtíðarinnar og hlutverk Íslands við að styðja fjölþjóðleg samskipti.
Einnig ræddu þeir um stríðið í Úkraínu og ástandið í Mið-Austurlöndum.
Bjarni mun ávarpa fundinn síðdegis í dag.
Í tilkynningu segir einnig að aðildarríki Sameinuðu þjóðanna hafi samþykkt Sáttmála framtíðarinnar.
Sáttmálanum er ætlað að aðlaga alþjóðlega samvinnu að kröfum samtímans.