Útilokað annað en að Seðlabankinn lækki stýrivexti
Setja bókamerki
Vilhjálmur Birgisson, formaður Starfsgreinasambandsins, segist útiloka annað en að Seðlabankinn lækki stýrivexti sína kröftuglega þegar næsta stýrivaxtaákvörðun verður kynnt.
Þetta segir Vilhjálmur í færslu á facebook en Hagstofan greindi frá því í morgun að verðbólgan hafi hjaðnað um 0,6 prósentustig á milli mánaða og mælist nú 5,4 prósent.
„Þetta eru afar jákvæðar fréttir en nú lækkar 12 mánaða verðbólgan úr 6% í 5,4%. Nú vona ég að árangur af þeirri aðferðafræði sem við beittum í síðustu kjarasamningslotu fari að skila sér til launafólks og heimila í formi lækkunar á vöxtum. Það er útilokað annað en að Seðlabankinn lækki stýrivexti sína kröftuglega þegar næsta stýrivaxtaákvörðun verður kynnt,“ segir Vilhjálmur.
Hann segir að enn og aftur sé boltinn hjá Seðlabankanum og veltir því fyrir sér hvort bankinn eigi ekki flýta stýrivaxtarákvörðun í ljósi verulegrar lækkunar á verðbólgu eins og heimildir Seðlabankans leyfa.
Verðum að vera viðbúin stærra eldgosi
Auki líkurnar á vaxtalækkun
Lilja: Rúv þarf að fara í brýnar aðhaldsaðgerðir
„Má segja að nýr armur sé að myndast í flokknum“
Höfðar riftunarmál á hendur fyrrum eiganda Wokon
Ekkert bendir til þess að atburðarásinni sé lokið
Ekki öll fyrirtæki sek
Allar forsendur fyrir því að stýrivextir verði lækkaðir