„Nú er miðja lægðar stödd skammt suður af landinu og í dag fer hún til norðausturs með austurströndinni. Lægðin er grunn, rúmlega 1000 mb og er því ekki neitt stórviðri í vændum af völdum þessarar lægðar.“

Svo segir í hugleiðingum veðurfræðings á Veðurstofu Íslands.

Fyrripart dags má búast við austlægri átt, víða á bilinu 5-13 m/s.

Úrkomusvæði lægðarinnar liggur yfir landinu og því er víða rigning eða slydda með köflum.

Seinnipartinn verður vindur norðlægari og þá dregur smám saman úr úrkomu, en á sunnan- og vestanverðu landinu fer að stytta upp og léttir síðar til á þeim slóðum.

Hiti verður frá 1 stigi í innsveitum fyrir norðan, að 10 stigum á Suðurlandi þegar best lætur í dag.

Á morgun er síðan spáð norðan 3-8 m/s með björtum köflum.

Þá má búast við ákveðnari vind norðaustantil á landinu, norðvestan 8-13 m/s þar með dálitlum éljum fram að hádegi, en styttir síðan upp á þeim slóðum.

Hiti á morgun verður á bilinu 0 til 5 stig norðanlands, en 5 til 10 stig sunnantil yfir daginn.

Veðurvefur mbl.is. 

Tengdar fréttir

Veður

Lægð nálgast úr suðri

• Varað við vetrarfærð á morgun
• Bjart veður á morgun
• Hauststillur á landinu en breytingar á þriðjudag
• Hátt í 20 gráða hiti á Austurlandi

» Fleiri tengdar fréttir

• Blogga um frétt