Fimm flokkar undir 5%: Flokkur fólksins styrkir sig
Setja bókamerki
Flokkur fólksins, Sjálfstæðisflokkurinn og Viðreisn bæta mest við fylgi sitt í nýjum þjóðarpúlsi Gallup sem ríkisútvarpið greinir frá. Miðflokkurinn tapar aftur á móti mestu fylgi.
Samfylkingin mælist enn stærst allra flokka með 20% fylgi en Sjálfstæðisflokkurinn kemur fast á hæla hennar með 18,4% og bætir flokkurinn því við sig tveimur prósentustigum. Í síðasta þjóðarpúlsi mældist Sjálfstæðisflokkurinn með 16,4% fylgi.
Flokkur fólksins bætir við sig 2,4 prósentustigum og mælist nú með 12,6% fylgi. Viðreisn mælist með 17,6% en í síðasta þjóðarpúlsi mældist flokkurinn með 15,5% fylgi.
Enginn sagðist ætla að kjósa Ábyrga framtíð
Miðflokkurinn tapar rúmlega 3 prósentustigum í könnuninni og mælist nú með 11,1% fylgi. Fylgi Framsóknar mælist 6,8%.
Fimm flokkar mælast undir fimm prósentum í þjóðarpúlsinum. Það eru Sósíalistaflokkurinn, Vinstri græn, Píratar, Lýðræðisflokkurinn og Ábyrg framtíð.
Sósíalistaflokkurinn mældist með 4,8%, Píratar 4,1%, Vinstri græn 3,1% og Lýðræðisflokkurinn 1,4%. Enginn svarenda sagðist ætla að kjósa Ábyrga framtíð og mælist flokkurinn því með 0% fylgi.
Könnunin var gerð frá 23. til 29. nóvember. Heildarúrtaksstærð var 4.285 manns og svöruðu 2.077 manns könnuninni og var þátttökuhlutfall 53,7%.
„Versta spáin virðist vera að rætast“
Eldgosið það næststærsta í röðinni
„Erum mjög áhyggjufull“
Teknir með kókaín í nokkru magni
Þyrlan sótti annan í bakaleiðinni
Björgunarsveitir í startholunum á kjördag
