Pólskur maður var fluttur á sjúkrahús með þyrlu eftir að tveir fílar krömdu hann á milli sín í Osló í Noregi í dag. Maðurinn sem er 46 ára gamall og starfar við sirkus, var að byggja girðingu utan um sirkustjald þegar allt í einu dýrin tvö þrýstu sér upp að honum.
Hann hlaut alvarleg meiðsli á andliti og rifbeinum, auk þess sem hann er beinbrotinn á nokkrum stöðum. Hann var fluttur með þyrlu á sjúkrahúsið í Osló til meðferðar.