34 ára gamall maður dó vegna raflosts er hann þvoði hendur sínar í gosbrunni á torgi í Sofiu, höfuðborg Búlgaríu, að því er lögregla greindi frá í dag.
„Samkvæmt niðurstöðum lögreglurannsóknar dó hann líklega vegna rafstraums í vatninu sem varð vegna bilunar í rafdrifnu vatnskerfi gosbrunnsins,“ sagði Nikolay Nikolov, talsmaður lögreglunnar.
„Vitni að slysinu segja að maðurinn hafi misst meðvitund um leið og hann dýfði höndunum í vatnið,“ bætti hann við. Gosbrunnurinn er á Slaveykov torgi í einu fjölfarnasta hverfi borgarinnar.