Senda inn efni
Ríkisstjórnin fengi meirihluta á þingi: Samfylking vex
Bloggað um fréttina
-
Júlíus Björnsson63% sátt við Íslenska löggjafarvaldið?
-
Bjarni Benedikt GunnarssonÞetta er ótrúlegt
-
Jón Valur JenssonÓmarktæk könnun meðan ný framboð eru ekki komin…
-
Vésteinn ValgarðssonÉg er á báðum áttum
-
Einar BenÞetta eru góð tíðindi
-
Sævar HelgasonRíkisstjórn Jóhönnu Sigurðardóttur nýtur trausts
-
Haukur GunnarssonFylgi VG fellur og mun falla
-
Guðbjörn GuðbjörnssonVinstri sveiflan sem betur fer í rénun ...
-
Fritz Már JörgenssonFrelsi, jafnrétti og bræðralag, prófkjör og nýr…
-
Jónína Rós GuðmundsdóttirNýfrjálshyggjufrí
-
Ingólfur H ÞorleifssonAð axla ábyrgð er það sem þarf að gera.
-
Óðinn ÞórissonNý skoðanakönnun
-
Hermann ÓskarssonNýtt Ísland!
Ríkisstjórnarflokkarnir fengju samtals 37 alþingismenn ef niðurstöður alþingiskosninga yrðu í samræmi við niðurstöðu nýrrar skoðanakönnunar sem Capacent Gallup gerði fyrir Morgunblaðið og RÚV.
Samfylkingin mælist nú með 31,1% fylgi og fengi 21 þingmann. Flokkurinn hefur bætt við sig nær tíu prósentustigum frá könnun í byrjun ársins.
Sjálfstæðisflokkur mælist nú með 26,2% fylgi og fengi 17 þingmenn. VG mælist með 24,6% og fengi 16 þingmenn.
Framsóknarflokkur mælist með 12,8% og fengi 8 þingmenn.
Frjálslyndi flokkurinn mælist nú með 2,9% fylgi, Íslandshreyfingin mælist með 1,6% fylgi og þeim sem ætla að kjósa „annan flokk“ hefur fækkað mjög og mældust aðeins 0,7% svarenda í þeim flokki.
Yrðu niðurstöður kosninga í samræmi við niðurstöður þessarar fylgiskönnunar yrði skipting alþingismanna þannig að Samfylkingin fengi 21 þingmann, Sjálfstæðisflokkur fengi 17 þingmenn, VG fengi 16 þingmenn, Framsóknarflokkur 8 þingmenn og Frjálslyndi flokkurinn fengi einn þingmann. Aðrir stjórnmálaflokkar næðu ekki manni inn á þing. Samkvæmt þessari niðurstöðu myndi núverandi ríkisstjórn njóta trausts þingmeirihluta 37 alþingismanna.
Niðurstöður könnunarinnar um fylgi stjórnmálaflokkanna á landsvísu eru annars vegar fengnar úr netkönnun og hins vegar úr símakönnun sem Capacent Gallup gerði dagana 16.-24. febrúar.
Úrtakið í netkönnuninni var tilviljunarúrtak úr Viðhorfahópi Capacent Gallup. Úrtakið í símakönnuninni var tilviljunarúrtak úr þjóðskrá. Úrtakið var alls 2.161 manns 18 ára og eldri. Svarhlutfallið var 63,2%.
Nánar í Morgunblaðinu. Smelltu hér til að gerast áskrifandi.
Til baka