Microsoft hættir að nota afritunarvörn í Vista

Hugbúnaðarframleiðandinn Microsoft ætlar að hætta að nota afritunarvörn sem gerir ýmsa þætti í Windows Vista stýrikerfinu óvirka ef stýrikerfið er talið ólöglegt afrit. Gallar í vörninni hafa orðið til þess að margir sem keypt hefur stýrikerfið á löglegan hátt hafa ekki getað notað það.

Talsmenn Microsoft segja raunar að notkun svokallaðra sjóræningjaútgáfa af kerfinu hafi minnkað síðan Vista kom út.

Í tilkynningu frá fyrirtækinu segir að í stað þess að óvirkja ýmsa kosti kerfisins standi til að gefa notendum sem eru með ógilt stýrikerfi ,,skýr og endurtekin skilaboð um það hver staða stýrikerfisins sé", og leiðbeiningar um það hvernig þeir geti nálgast löglega útgáfu.

• 3 blogg um fréttina

Bloggað um fréttina

• Haukur Nikulásson: Windows Vista - Vörusvik?
• Rúnar Már Bragason: Hvers vegna þessi sífelldu vandræði hjá Microsoft?
• Haukur Baukur: Þræll eða sæll??