„Þetta verður mjög spennuþrungin atkvæðagreiðsla,“ segir Vigdís Hauksdóttir, þingmaður Framsóknar, um fyrirhugaða kosningu á Alþingi á morgun um þá tillögu hennar að borið skuli undir þjóðina hvort stöðva eigi aðildarviðræður við Evrópusambandið samhliða þjóðaratkvæði um tillögur stjórnlagaráðs.

Tekið verður tillit til umsagna sem borist hafa um veiðigjald í kvótafrumvörpum ríkisstjórnarinnar við endurskoðun þeirra.

Íslenski geitastofninn er í útrýmingarhættu þar sem einungis eru til rúmlega 700 geitur á landinu.

Sjö bókakassar og nokkrir pakkar af íslenskum tímaritum töpuðust með Titanic fyrir rétt rúmum 100 árum. Ritin hafði íslenska bókasafnið í Cornell-háskóla í Íþöku í Bandaríkjunum pantað.

Guðríður Guðbrandsdóttir er elst Íslendinga og heldur upp á 106 ára afmæli sitt í dag. Guðríður býr í þjónustuíbúð fyrir aldraða í Reykjavík og er vel ern. Hún fer alltaf í hádegismat og í leikfimi tvisvar í viku.

Unnið er að úttekt á undirbúningsvinnu vegna Hvammsvirkjunar í Þjórsá, samkvæmt nýjum alþjóðlegum matslykli um sjálfbærni vatnsaflsvirkjana.

Suðaustlæg átt verður á landinu í dag, víða 8-13 m/s. Rigning eða súld sunnanvert, en annars þurrt að kalla. Birtir víða til þegar kemur fram á daginn, en aftur rigning suðaustantil með kvöldinu. Hiti 7 til 12 stig, en allt að 20 stigum norðaustanlands síðdegis.