Leikkonan og grínistinn Rosanne Barr hefur heldur betur gefið viðkvæmar upplýsingar um leikarann George Clooney, nefnilega þær að hann hafi líkt eftir einum Marx-bræðranna, Groucho, með kynfærum sínum. Þessu sagði Barr frá í viðtali við breska tímaritið Attitude.

„Kvöld eitt vorum við öll ölvuð eftir kvöldmáltíð og John Goodman (leikari) tók ljósmynd af Clooney nöktum með Groucho Marx gleraugu yfir sínu allra heilagasta,“ sagði Barr. Myndin hafi verið fest á ísskápinn í sviðsmynd sjónvarpsþáttanna sem hún og Goodman léku saman í og hétu Rosanne Barr Show. Henni hafi verið stolið en þau Goodman athugi það reglulega hvort hún sé til sölu á eBay.

Barr klikkir út með því að hún hafi haft samfarir við Clooney margoft. Hún sé þó að reyna að vera tillitssöm. Afþreyingarvefurinn Bang Showbiz greindi frá þessu.