þri. 9. jan. 2007 12:07
Egils Premium bjór fluttur til Þýskalands
Í kjölfar þess að Egils Premium hlaut verðlaun á European Beer Star keppninni í Bæjaralandi í Þýskalandi hefur aðalstyrktaraðli þeirrar hátíðar óskað eftir því að fá að flytja inn Egils Premium bjór.

Andri Þór Guðmundsson forstjóri Ölgerðarinnar, segir í tilkynningu að þetta sé mikill heiður fyrir sig og sitt fólk, sérstaklega bruggmeistarann Guðmund Mar Magnússon.

„Fulltrúar BayWa AG í München höfðu samband við okkur eftir Beer Star keppnina og óskuðu eftir að fá að flytja inn heilan gám af Egils Premium til að nota við kynningarstörf. Miðað við bjórframleiðsluna á þessu svæði þá er þetta eins og við værum að flytja kaffi til Brasilíu eða ísmola til Grænlands," segir Andri Þór í tilkynningunni.

til baka