Óskarsverðlaunaleikkonan Emma Stone heitir í raun og veru Emily. Nafnið Emily Stone var hins vegar frátekið þegar hún hóf leiklistarferilinn. Hún tók til þess ráðs að breyta um nafn en er nú orðin þreytt á Emmu-nafninu. 

Stone segir í viðtali við The Hollywood Reporter að fólk kalli hana Emily þegar það kynnist henni. 

„Þegar ég kynnist þeim, fólk sem ég vinn með. Þetta er af því að nafnið mitt var frátekið,“ sagði Stone þegar hún var spurð að því hvort fólk í bransanum kallar hana Emily. „Fyrir nokkrum árum fríkaði ég út. Út af einhverju þá gat ég þetta ekki lengur. Kallið mig bara Emily.“

Var hún meðal annars spurð hvort hún myndi leiðrétta aðdáanda sem kallaði hana Emily en ekki Emmu. 

„Nei. Það væri indælt. Ég væri til í að vera Emily.“