Í takmarkaðan tíma snýr sýningin Elly aftur á stóra sviðið í Borgarleikhúsinu.
Þetta kemur fram í tilkynningu á vef Borgarleikhússins en Katrín Halldóra Sigurðardóttir fór með hlutverk söngkonunnar Elly Vilhjálms á árunum 2017 til 2019.
https://www.mbl.is/folk/frettir/2019/04/29/gudrun_var_gestur_numer_hundrad_thusund/
Sýningin var frumsýnd 18. mars árið 2017. Alls urðu sýningarnar yfir 200 og yfir 100 þúsund manns sáu hana.
„Nú snýr Elly aftur vegna fjölda áskorana!“ segir í tilkynningu Borgarleikhússins og hefst miðasala á þriðjudag, 30. apríl.
Katrín Halldóra deildi tilkynningunni á samfélagsmiðlum og sagðist ekki geta beðið eftir að sýna Elly aftur.