Hluta­bréfa­verð í Novo Nordisk hefur lækkað tölu­vert und­an­farna mánuði, en síðustu sex mánuði hef­ur lækk­un­in numið um 36%.

Gengi bréfa fyrirtækisins lækkuðu töluvert í viðskiptum síðasta föstu­dag þegar markaðsvirði þess lækkaði um nærri 125 millj­arða Banda­ríkja­dala eða um 21% á einum degi. Síðan þá hefur gengi bréfa félagsins hins vegar tekið við sér að hluta aftur.

Fallið á bréfunum er rakið til von­brigða með niður­stöður úr Redefine-1 rann­sókn­inni, sem er 3. stigs klín­ísk rann­sókn á til­rauna­lyf­inu Ca­griSema sem ætlað er að meðhöndla offitu. Lítill munur var á hópum sem voru á lyfinu og þeirra sem voru á lyfleysunni.

Fyrirtækið er þekktast fyrir þyngdarstjórnunarlyfið Wegovy og sykursýkislyfið Ozempic en þau tvö stóðu fyrir 61% af heildarsölu félagsins fyrstu 9 mánuði ársins. Gengi bréfa félagsins hefur hins vegar hækkað yfir 200% síðan FDA í Bandaríkjunum leyfði sölu á þessum lyfjum fyrir nokkrum árum.

Að mati greiningaraðila JP Morgan er lækkunin á bréfunum síðasta föstudag úr takti við væntingar félagsins til framtíðar.