Afturelding mætir Keflavík í úrslitum
Setja bókamerki
Afturelding tryggði sér sæti í úrslitaleiknum um sæti í Bestu deild karla í knattspyrnu eftir markalaust jafntefli gegn Fjölni í Grafarvogi í dag. Afturelding vann fyrri leikinn í Mosfellsbæ, 3:1.
Afturelding mætir Keflavík í úrslitaleiknum á Laugardalsvelli á laugardaginn kemur, 28. september, klukkan 16.
Leikurinn byrjaði rólega og lítið var um hættuleg færi í fyrri hálfleik en Jónatan Guðni Arnarsson átti fyrsta skot á markið fyrir heimamenn á 20. mínútu. Hann fékk boltann beint fyrir framan markið og fór í skot en Jökull Andrésson varði vel af stuttu færi.
Arnór Gauti Ragnarsson fékk svo fyrsta hættulega færi Aftureldingar en það kom eftir um hálftíma. Flott hreyfing skapaði pláss fyrir Arnór á milli miðvarða Fjölnis og Arnór tók góðan snúning og setti boltann niðri á markið en Halldór Snær Georgsson var fljótur niður og varði vel.
Baldvin Þór Berndsen fékk svo frábæra hugmynd og fór í skot nálægt miðjunni þegar hann sá að Jökull var kominn langt út úr markinu en boltinn fór rétt framhjá og staðan var 0:0 í hálfleik.
Seinni hálfleikur var frekar daufur, lítið um færi og Afturelding að tefja. Fjölnismenn voru daufir en Bjarni Þór Hafstein átti flott skot á markið á 90. mínútu en Jökull varði og Afturelding fer í úrslitaleikinn eftir dapran leik hjá Fjölni.
| Fjölnir | 0:0 | Afturelding |
|
|---|---|---|---|
| Sævar Atli Hugason (Afturelding) fer af velli | |||
„Má segja að nýr armur sé að myndast í flokknum“
Kristín kjörin nýr umboðsmaður Alþingis
Segir lögreglu sá efasemdum um heilindi
„Mig langar að vara ykkur við“
Kærði sig inn í yfirlýsinguna
Sanna borgarfulltrúi vill á þing
„Síðasta orðið hefur ekki verið sagt“
/frimg/1/32/47/1324721.jpg)
Rannsókn í byrlunar- og símamáli felld niður