Knattspyrnumaðurinn Gísli Gottskálk Þórðarson hefur framlengt samning sinn við Íslandsmeistara Víkings úr Reykjavík.
Þetta tilkynnti félagið á samfélagsmiðlum sínum í dag en Gísli, sem er tvítugur, skrifaði undir þriggja ára samning í Fossvoginum.
Hann er uppalinn hjá Breiðabliki en hélt ungur að árum til unglingaliðs Bologna á Ítalíu. Hann gekk til liðs við Víkinga frá ítalska félaginu fyrir tímabilið 2022.
Alls á hann að baki 36 leiki í efstu deild og tvö mörk en hann hefur leikið 20 leiki með liðinu í sumar í Bestu deildinni. Þá á hann að baki 12 leiki fyrir yngri landslið Íslands.