Ísland spilar heimaleikinn á Spáni
Setja bókamerki
Íslenska karlalandsliðið í fótbolta mun spila heimaleik sinn gegn Kósovó í umspili um sæti í B-deild Þjóðadeildar Evrópu í borginni Murcia á Spáni í mars á næsta ári.
Þetta kemur fram í tilkynningu frá KSÍ en enginn völlur á Íslandi stóðst kröfur UEFA og þurfti knattspyrnusambandið því að leita erlendis.
Leikvangurinn í Murcia tekur ríflega 30 þúsund áhorfendur og var tekinn í notkun árið 2006 með vináttulandsleik á milli Spánar og Argentínu.
Um er að ræða heimavöll Real Murcia sem er í þriðju efstu deild Spánar um þessar mundir.
Íslenska kvennalandsliðið leikur tvo landsleiki, í kvöld gegn Kanada og á þriðjudaginn gegn Danmörku, í sömu borg, þó á öðrum velli, Pinatar Arena.
Murcia er í um 100 kílómetra fjarlægð frá alþjóðaflugvellinum í Alicante þar sem margir Íslendingar fara um enda dvelja margir þeirra á þessu svæði.
Fyrri leikur Íslands og Kósovó fer fram í Pristína 20. mars og leikurinn í Murcia síðan 23. mars.
„Lítur ekki vel út með kjördaginn“
Heitavatnsnotkun jókst um allt að 10%
Þyrlan kölluð út: Slasaðist á Kötlujökli
Formaðurinn má ekki greiða atkvæði utan kjörfundar
Sala á flugvallarlandi byggist á veikum grunni frá upphafi
„Óafsakanlegt“ að börnin sitji enn heima
29 þúsund bílar bættust í flotann
