„Skoðaðu Twitter og rektu rakarann þinn“

Fyrrverandi knattspyrnumaðurinn og núverandi sparkspekingurinn Landon Donovan vakti athygli fyrir heldur sérstaka hárgreiðslu þegar hann vann við umfjöllun á leik Austurríkis og Frakklands í D-riðli EM 2024 fyrir Fox Sports í gærkvöldi.

Á samfélagsmiðlinum X, áður Twitter, var miskunnarlaust gert grín að Donovan og fann fyrrverandi liðsfélagi hans hjá LA Galaxy, Mike Magee, sig knúinn til þess að benda honum á það.

„LD, skoðaðu Twitter sem snöggvast og rektu kannski rakarann þinn,“ sendi Magee á Donovan.

„Hvar varst þú fyrir sjö klukkustundum? Ég fór í hárígræðslu fyrir tveimur vikum og var tjáð að það myndi ekki sjást í myndavél,“ svaraði Donovan.

Skjáskot af samskiptum Magees og Donovans má sjá hér fyrir ofan ásamt skjáskoti af hárgreiðslu þess síðarnefnda sem vakti svo mikla athygli.

• Blogga um frétt