Sex leikir í ensku úrvalsdeildinni í knattspyrnu voru að klárast rétt í þessu.
Tottenham hafði betur gegn Brentford, 3:1, á heimavelli í dag. Bryan Mbuemo kom gestunum yfir á 1. mínútu leiksins.
Dominic Solanke jafnaði metin fyrir Tottenham á 8. mínútu. Brennan Johnson kom síðan Tottenham yfir á 28. mínútu.
James Maddison gerði út um leikinn fyrir Tottenham á 85. mínútu með marki.
Landsliðsmarkvörðurinn Hákon Rafn Valdimarsson var ónotaður varamaður hjá Brentford í dag.
Fulham vann sterkan 3:1-sigur á Newcastle í Lundúnum. Raúl Jiménez skoraði snemma fyrir Fulham. Emile Smith Rowe tvöfaldaði síðan forystu Fulham á 22. mínútu.
Harvey Barnes minnkaði muninn fyrir Newcastle á 46. mínútu. Reiss Nelson innsiglaði síðan sigur Fulham á annarri mínútu uppbótartíma með marki.
Aston Villa hafði betur gegn Wolves, 3:1, í Birmingham í dag. Brasilíumaðurinn Matheus Cunha kom Wolves yfir á 25. mínútu.
Ollie Watkins jafnaði metin fyrir Aston Villa á 73. mínútu. Enski varnarmaðurinn Ezri Konsa kom Aston Villa yfir á 89. mínútu.
Hinn sjóðheiti Jhon Durán skoraði síðan þriðja mark Villa á fjórðu mínútu uppbótartíma.
Leicester og Everton skildu jöfn, 1:1, í dag. Everton tók forystuna á 12. mínútu með marki frá Illiman Ndiaye. Stephy Mavidid jafnaði fyrir Leicester á 73. mínútu.
Southampton og Ipswich gerðu 1:1-jafntefli í nýliðaslag í dag. Southampton komst yfir á 5. mínútu með marki frá Tyler Dibling.
Sam Morsby jafnaði metin á fimmtu mínútu uppbótartíma fyrir Ipswich og skiptu liðin því með sér stigunum.
Liverpool vann þægilegan 3:0-sigur á Bournemouth í aðalleik dagsins. Mbl.is fylgdist vel með leiknum í beinni textalýsingu.