Senda inn efni
Saints skora snertimark í úrslitaleiknum í nótt. Reuters
Mikil gleði í New Orleans
Mikil gleði braust út í New Orleans í Bandaríkjunum í nótt þegar ruðningslið borgarinnar, New Orleans Saints bar sigurorð af Indianapolis Colts í Super Bowl, úrslitaleik bandarísku ruðningsdeildarinnar, 31:17. Þetta er í fyrsta skipti sem Saints sigra í Super Bowl.
Drew Brees með Baylan son sinn eftir sigurinn í nótt. Reuters
Frammistaða liðsins í vetur hefur bæði komið á óvart og hvatt íbúa borgarinnar til dáða en þeir glíma enn við afleiðingar fellibylsins Katrínu, sem fór yfir borgina haustið 2005.
Það var einkum frammistöðu Drew Brees, leikstjórnanda Saints, að þakka að liðið hampaði bikarnum í nótt. Hann átti 32 sendingar sem gáfu 288 jarda og tvö snertimörk og var valinn besti leikmaður mótsins.
New Oreans-búar fagna í Bourbon-stræti í nótt. Reuters
„Við höfðum trú á okkur," sagði Brees eftir leikinn. „Við vissum að heil borg og jafnvel heil þjóð treysti á okkur. Þetta átti að fara svona, þetta voru örlögin."
Til baka