Ólympíufarinn Hákon Þór Svavarsson hafnaði í 78. sæti af 124 keppendum þegar hann tók þátt í heimsbikarmóti í leirdúfuskotfimi með haglabyssu í Lonato á Ítalíu um helgina.
Hákon Þór, sem þáði boðssæti á Ólympíuleikana í París í greininni í síðustu viku, hitti samtals úr 115 af 125 skotum sínum á laugardag og sunnudag.
Dugði það ekki til þess að tryggja sér sæti í úrslitum, en einungis sex komust í úrslitin sem fóru fram á mánudag.