Sögulegur sigur SR

Skautafélag Reykjavíkur lagði spænsku meistarana CH Jaca með gullmarki í framlengdum leik í Eistlandi í í íshokkí í dag, 6:5.

Þetta var fyrsti sigur SR í Evrópukeppni félagsliða í íshokkí en liðið tók þátt í annað sinn og vann einn leik í riðlinum í Narva í Eistlandi og tapaði tveimur.

Liðið skoraði tíu mörk og fékk 18 á sig á mótinu sem er töluvert betri árangur en fyrra þegar liðið skoraði aðeins fjögur mörk og fékk 29 á sig.

SR var undir, 5:4, þegar lítið var eftir af leiknum en liðið bætti við sóknarmanni og jöfnunarmarkið kom þegar það voru aðeins þrjár sekúndur eftir.

• Blogga um frétt