Ákærður fyrir ofbeldi gegn öðru barni sínu

Norðmaðurinn Gjert Ingebrigtsen hefur aftur verið ákærður fyrir ofbeldi í garð heimsfræga hlauparans Jakobs Ingebrigtsen. 

Gjert var fyrr á árinu einnig ákærður fyrir heimilisofbeldi í garð yngra systkinis Jakobs. 

Jakob er einn þekktasti íþróttamaður Noregs en bræður hans Henrik og Filip eru einnig hlauparar og hafa unnið til verðlauna á stórmótum. 

Frétt af mbl.is

Ákærður fyrir heimilisofbeldi

Faðirinn neitar sök

Norðmenn urðu marg­ir hverj­ir fyr­ir áfalli í októ­ber á síðasta ári þegar bræðurn­ir ásökuðu föður sinn um of­beldi.

„Við ól­umst upp hjá mjög árás­ar­gjörn­um og drottn­andi föður sem beitti lík­am­legu of­beldi og hót­un­um í upp­eld­inu,“ skrifuðu þá bræðurn­ir í sam­vinnu við dag­blaðið VG í fyrra. 

Jakob er yngsti bróðirinn en einnig sá sem hefur náð lengst. Hann er tvöfaldur ólympíu- og heimsmeistari ásamt því að vera heimsmethafi í 1.500, 2.000 og 3.000 metra hlaupi. 

Í umfjöllun Verdens Gang um málið kemur fram að réttarhöldin muni taka nokkrar vikur og að Gjert gæti verið dæmdur í allt að sex ára fangelsi. Hann neitar sök, líkt og hann hefur ávallt gert. 

• Blogga um frétt