Senda inn efni
8,4 milljarða króna tap hjá SPRON
Bloggað um fréttina
-
Jóhann ElíassonGott veganesti í "sameiningarviðræðurnar"
Tap á rekstri SPRON nam 8,4 milljörðum króna eftir skatta á fyrsta fjórðungi ársins en á sama tímabili á síðasta ári var 4,6 milljarða króna hagnaður á rekstrinum. Segir í tilkynningu, að tapið nú sé vegna gengistaps á hlutabréfaeign félagsins en gengistap vegna hlutabréfaeignar í Exista nam 8,2 milljörðum króna og vegna veltubókar 2 milljörðum.
Guðmundur Hauksson, sparisjóðsstjóri, segir að grunnreksturinn hafi styrkst verulega að sem af er ári og jukust vaxtatekjur um 79% á fyrsta ársfjórðungi frá sama tímabili í fyrra. Félagið sé vel varið fyrir aukinni verðbólgu en félagið eigi miklar verðtryggðar eignir umfram skuldir.
Aðstæður verði þó áfram áfram erfiðar og í ljósi þess hafi höfuðáhersla verið lögð á að tryggja félaginu aðgengi að auknu lausafé og styrkja eiginfjárstöðuna. Segir Guðmundur, að tryggt hafi verið lausafé sem nemi 30 milljörðum króna með verðbréfun fasteignalána hæfum til endurhverfra viðskipta, en það sé gríðarlega mikilvægt í þeirri ausafjárkreppu sem nú ríkir. Með því hafi fjármögnunarþörf félagsins verið mætt til ársins 2010.
Þá segir Guðmundur, að annar ársfjórðungur fari vel af stað og séu horfur ágætar iðað við þær aðstæður sem almennt ríki á fjármálamörkuðum.
Til baka