Senda inn efni
Íslandsbanki
Heildareignir Íslandsbanka 629 milljarðar
Bloggað um fréttina
-
Haraldur HaraldssonHeildareignir Íslandsbanka 629 milljarðar/eru þeir…
-
Sveinbjörn Ragnar ÁrnasonBýð mig í stólinn hennar Birnu.
-
Lúðvík LúðvíkssonAtvinna í boði
Samkvæmt stofnefnahagsreikningi Íslandsbanka, sem birtur verður í dag, nema heildareignir bankans 629 milljörðum króna. Það er tæplega 30 prósentum lægri upphæð en bráðabirgðaefnahagsreikningur bankans, sem birtur var á heimasíðu Fjármálaeftirlitsins 14. nóvember í fyrra, gerði ráð fyrir.
Samkvæmt honum voru eignir Íslandsbanka áætlaðar 885 milljarðar. Þessi munur skýrist af því að við endanlega ákvörðun um yfirfærslu á eignum var ákveðið að yfirtaka færri lán en gert hafði verið ráð fyrir.
Samkvæmt heimildum Morgunblaðsins voru það m.a. lán sem tengdust erlendri starfsemi með einhverjum hætti og svo stór lán sem fólu í sér of mikla áhættu fyrir hinn nýja banka.
Af heildareignum bankans eru 477 milljarðar í útlánum. Sjóður og innstæður í Seðlabanka Íslands eru tæplega 54 milljarðar. Fjárfestingar í dótturfélögum eru samtals upp á rúmlega 11 milljarða króna. Lán til annarra fjármálafyrirtækja eru um 8,4 milljarðar. Um 32% af útlánum bankans eru til einstaklinga, 16% til sjávarútvegsfyrirtækja, 14% til fasteignafélaga, 11% til fjárfestingafélaga og 27% til annarra atvinnugreina.
Nánar í Morgunblaðinu. Smelltu hér til að gerast áskrifandi.
Til baka