Ferðalög | mbl | 19.1.2012 | 21:44

Obama heimsótti Disney-land

Barack Obama, forseti Bandaríkjanna, heimsótti Disney-land í Florída í dag, en heimsóknin er liður í átaki í ferðamálum í Bandaríkjunum. Auðvelda á ferðamönnum að fá vegabréfsáritun til landsins með því að nýta betur rafræna afgreiðslu.

Átakinu er ekki síst beint að ferðamönnum frá Kína og Brasilíu. Obama leitar nú allra leiða til að efla atvinnulíf í Bandaríkjunum og hann telur að ferðaþjónustan eigi að gegna þar mikilvægu hlutverki.

Obama sagði í dag að skilaboð sín til heimsins væru að Bandaríkin byðu alla sem vildu heimsækja landið velkomna. Ef fleiri kæmu og heimsæktu Bandaríkin þyrfti ferðaþjónustan að ráða fleira fólk í vinnu og allir myndu hagnast.

Flórída er eitt af þeim fylkjum Bandaríkjanna sem frambjóðendur í næstu forsetakosningum verða að vinna ætli þeir sér að ná kjöri.

Athugasemdir:

19. janúar kl. 23:50

Disneyland er í Californiu, Disneyworld er í Flórida

Edda Björk Karlsdóttir

Búast við auknum ferðamannastraumi

18.5. Búast má við stórauknum ferðamannastraumi milli Íslands og Tékklands á næstu árum í kjölfar þess að Iceland Express hefur opnað nýja flugleið beint á milli Prag og Keflavíkur. Þetta sagði Össur Skarphéðinsson, utanríkisráðherra, í ræðu í Prag í dag. Meira

Iceland Express alltaf á réttum tíma

16.5. Ferðum Iceland Express til og frá Keflavíkurflugvelli seinkaði aldrei á fyrri hluta þessa mánaðar. Stundvísi fyrirtækisins hefur verið góð allar götur síðan að tékkneskt flugfélag hóf að fljúga fyrir það í nóvember. Nærri níu af hverjum tíu ferðum Icelandair voru á réttum tíma á tímabilinu. Meira

Miðinn ódýrari með skemmri fyrirvara

18.5. Ef bókað er í dag far til London með Iceland Express eftir fjórar vikur kostar það minna en ef það hefði verið keypt fyrir fyrir tveimur mánuðum. EasyJet er dýrara en öll íslensku félögin í ágúst. Meira

Leifsstöð ein fallegasta flugstöðin

15.5. Flugstöð Leifs Eiríkssonar er talin upp með níu öðrum á ferðavefnum Frommers sem ein af fallegustu flugstöðvum heims. Henni er lýst sem lítilli og huggulegri flugstöð sem lítur út eins og hún hafi verið pöntuð í IKEA. Meira