Það er mikilvægt að dreifa prótínneyslunni yfir allan daginn en rannsóknir hafa sýnt að líkaminn byggir 25% hraðar upp vöðva þegar prótín er borðað reglulega. Hins vegar borða flestir meira prótín á kvöldin. Bandaríkjamenn borða til dæmis næstum því þrisvar sinnum meira prótín í kvöldmat heldur en í morgunmat.
Women's Health fór yfir nokkur ráð til að koma jafnvægi á prótínneysluna.
Hnetusmjör
Gott er að borða nokkrar skeiðar af hollu hnetusmjöri á dag.
Prótínduft
Þegar tíminn er af skornum skammti er gott að eiga gott prótínduft.
Harðsoðin egg
Það er mikið af prótíni í eggjum. Það er auðvelt að sjóða nokkur saman og eiga í ísskápnum.
Kínóa
Skiptu hrísgrjónum og núðlum út fyrir kínóa en í því er að finna meira af prótíni.
Hnetur og möndlur
Settu auka hnetur og möndlur út í múslíið þitt á morgnana.
Orkustykki
Það getur verið gott að hafa með sér orkustykki með prótíni sérstaklega þegar maður verður svangur síðdegis. Passa verður þó að lesa á innihaldið en mörg orkustykki eru jafnóholl og nammi.
Jógúrt
Það er oft hægt að nota grískt jógúrt í staðinn fyrir t.d. rjómaost eða sýrðan rjóma í matreiðslu. Einnig er hægt að nota jógúrt í staðinn fyrir ís og setja ber út á.
Maís-snakk
Það er hægt að velja hollt snakk, búið til úr baunum eins og til dæmis maísflögur.
Ostur
Það er mikið prótín í osti svo það getur verið bæði hollt og gott að rífa parmesan yfir salat.