Leyndarmálið á bak við góðan bruna er ekki bara að æfa á réttan hátt eða borða ákveðna fæðu á tilteknum tíma. Það getur líka verið mikilvægt að hitastigið í svefnherberginu sé rétt stillt á nóttinni.
Samkvæmt Reader's Digest sýndi rannsókn að það hraðar á efnaskiptunum að sofa í herbergi sem er á milli 15,5 gráðu og 19,4 gráðu heitt.
Þetta er ekki í fyrsta skipti sem sýnt hefur verið fram á þetta en önnur rannsókn sýndi fram á að fólk sem svaf í herbergjum sem voru tæplega 19 gráðu heit brenndu yfir sjö prósent fleiri kaloríum en fólk sem svaf í heitari herbergjum.