Við Undraland í Fossvogi stendur glæsilegt 9 herbergja einbýlishús. Búið er að gera húsið upp á yfirmáta smekklegan hátt. Húsið, sem byggt var 1972 er 305 fm að stærð. Í síðasta ári var húsið endurnýjað mikið en þó ekki þannig að sjarmi 1972 fái ekki að njóta sín. Upprunalegar innihurðir eru í húsinu og tréverk, arinn og hraunaðir veggir eru allir á sínum stað. Þegar búið er að skipta um eldhúsinnréttingu, gólfefni á efri hæð og taka niður veggi verður heildarmyndin sjarmerandi eins og sést á myndunum.
Húsið er á tveimur hæðum og með aukaíbúð á neðri hæð. Í kringum húsið er stór garður og er mikil veðursæld á þessum slóðum allan ársins hring.
Í eldhúsinu er búið að setja dökkbæsaðar innréttingar og marmaraborðplötur sem eru yfirmáta sjarmerandi. Opið er inn í borðstofu og inn í arinstofu og stofu.
Af fasteignavef mbl.is: Undraland 6
Eigendur hússins eru ungir og töff með gott auga fyrir hönnun. Þetta er ekki fyrsta húsið sem þau gera upp því fyrir tveimur árum settu þau hús sitt við Vogaland á sölu en það er í næstu götu við Undraland.